काठमाडौं । सिटिजन्स बैंकले ५ वर्ष पुरानो नगद लाभांश लिन सेयरधनीलाई बोलाएको छ । बैंकले एक सूचना जारी गर्दै आर्थिक वर्ष २०७३-०७४ को नगद लाभांश लिन आग्रह गरेको हो ।

सेयर रजिष्ट्रारको कार्यालय सीवीआईएल क्यापिटल, बाटुलेघर डिल्लीबजार काठमाडौंमा ३५ दिनभित्र सम्पर्क गरेर नगद लाभांश बुझ्न बैंकले अनुरोध गरेको हो । बैंकले तोकिएको समय भित्र नगद लाभांश लिन नगएमा उक्त रकम लगानीकर्ता संरक्षण कोषमा पठाइने जनाएको छ ।

नगद लाभांश लिन जाँदा सेयर प्रमाणपत्र वा डिम्याट खाता नम्बरका साथै परिचयपत्र बोक्नुपर्ने बैंकले बताएको छ ।