मकवानपुर । एमालेबाट ‘सूर्य’ चुनाव चिन्ह लिएका राप्रपा नेपालका अध्यक्ष कमल थापालाई हराउँदै राप्रपाका उम्मेदवार दिपकबहादुर सिंह विजयी भएका छन् । मतगणनाको मध्यसमयसम्म पनि माथि उक्लिन नसकेका सिंह अन्ततः प्रतिनिधि सभा सदस्यमा निर्वाचित भएका हुन् ।

मतगणनाको सुरुवातदेखि नै अग्रता लिईरहेकी नेपाली कांग्रेसकी उम्मेदवार महालक्ष्मी डिना उपाध्यायलाई समेत राप्रपाका सिंहले अन्तिममा पछि पारेका हुन् । सिंहले उपाध्यायलाई २ हजार बढी मतान्तरले पराजित गरेका छन् । सिंहले २७ हजार ८१६ मत पाउँदा डिनाले २५ हजार ४३४ मतसहित दोस्रो भईन् ।

त्यस्तै, राप्रपा नेपालका कमल थापाले भने २५ हजार ४२० मत पाएका छन् । थापाले मतदान चलिरहँदा आफ्नो हार स्वीकार गरेका थिए । हार स्वीकार्दै थापाले सूर्य चिन्ह लिएर चुनाव लड्ने अवसर दिएकोमा नेकपा एमालेलाई धन्यवाद समेत दिएका थिए ।