दार्चुला । दार्चुलाको शैल्यशिखर नगरपालिका ५ मालिकार्जुन मावि ग्वानी बगौरा मतदान केन्द्रमा विवाद हुँदा मतदान स्थगित भएको छ । मतदानका क्रममा स्थानीय र प्रहरीबीच झडप भएको हो ।

मत हाल्न पुगेका एकजना मतदाताको मत पहिल्यै अरुले हालेको पाइएपछि विवाद सुरु भएको थियो । विवाद रोक्ने क्रममा प्रहरीको लठ्ठीले एकजना महिलाको टाउकोमा लागेपछि स्थानीय आक्रोशित बनेका थिए । आक्रोशित भिडले प्रहरीमाथि ढुंगामुडा गर्न थालेपछि झडप भएको थियो ।

झडप शान्त पार्न प्रहरीले ३ रायन्ड हवाई फायर समेत गरेको छ । हवाई फायरपछि विवाद रोकिएको भएपनि मतदान भने सुरु हुन सकेको छैन ।