काठमाडौं । गरिमा विकास बैंकले आफ्ना सेयरधनीहरुलाई १४.५ प्रतिशत लाभांश वितरण गर्ने भएको छ ।

बिहीबार बसेको बैंकको संचालक समितिका बैठकले आफ्ना सेयरधनीहरुलाई गत वर्षको मुनाफाबाट १४.५ प्रतिशत लाभांश दिने प्रस्ताव गरेको हो । बैंकले गत आर्थिक वर्ष २०७८/७९ को सञ्चिति मुनाफा तथा सेयर प्रिमियम समेतबाट सेयरधनीलाई सो लाभांश दिने घोषणा गरेको हो ।

बैैंकले प्रस्ताव गरेको लाभांशमा १३ प्रतिशत बोनस सेयर रहेको छ भने १.५० प्रतिशत (कर प्रयोजनसहित) नगद लाभांश रहेको छ ।

बैंकको प्रस्तावित लाभांश नेपाल राष्ट्र बैंकको स्वीकृति र बैंकको आगामी साधारणसभाबाट पारित भएपछि सेयरधनीमा वितरण हुनेछ ।