जुम्ला । जुम्लामा राप्रपाका प्रवक्तासमेत रहेका ज्ञानेन्द्र शाहीले भारी मतान्तरसहित अग्रता कायम गरेका छन् । पछिल्लो मत परिणामअनुसार शाहीले ६ हजार ४१७ मतान्तरले लिड गरिरहेका छन् ।

शाहीले १२ हजार ५१५ मत पाएका छन् भने उनको निकटतम प्रतिद्वन्द्वी माओवादी केन्द्रकी गोमा गौतम कुँवरले ६ हजार ९८ मत पाएकी छिन् ।

त्यस्तै नेकपा एमालेका उम्मेदवार रतननाथ यागीले २ हजार ९६० मत पाउँदा १ हजार ३०४ मत बदर भएको छ । योसँगै जुम्लाबाट राप्रपाका शाहीको जित निश्चित देखिएको छ ।