काठमाडौं । नेपाल स्टक एक्सचेन्ज (नेप्से)ले तथ्यांक प्रयोग सम्बन्धी कार्यविधि २०७७ लागू गरेको छ । कार्यविधि लागू गर्दै नेप्सेले सेयर कारोबार सम्बन्धी तथ्यांकको एपीआई लिई प्रयोग गर्न सकिने व्यवस्था गरेको छ ।
चालु आर्थिक वर्ष २०७९–८० का लागि तथ्यांक प्रयोग गर्न इच्छुक प्रयोगकर्ताले कात्तिक २१ गतेदेखि ३० दिनभित्रमा आवेदन दिनुपर्नेछ । यसरी नेप्सेको कारोबार प्रणालीमार्फत सिर्जित भएका तथ्यांक प्रयोग तथा प्राप्त गर्नका लागि अब शुल्क तिर्नुपर्नेछ । तर, नेप्सेले कार्यविधिमा उल्लेख गरेको शुल्क भने अस्वभाविक महँगो भएको जानकारहरुको ठम्याई रहेको छ ।
सूचना प्रविधि नीति, २०७७ अन्तर्गत रही विभिन्न प्रयोगकर्ताहरुबाट निश्चित शुल्क लिई वास्तविक समय वा ऐतिहासिक तथ्यांक उपलब्ध गराउन नेपाल स्टक एक्सचेञ्ज लिमिटेडको सञ्चालक समितिले उक्त कार्यविधि बनाएको जनाएको छ । इन्भेष्टमेन्ट कम्पनी, वित्त विष्लेशक लगायतको लागि सह–शुल्क तथ्यांक उपलब्ध गराउने नेप्सेले जनाएको छ । प्रयोकर्ताले नेपसेले तोकेको शुल्क त्रैमासिक रुपमा अग्रिम भुक्तानी गर्नुपर्ने कार्यविधिमा उल्लेख छ ।
हेर्नुहोस् कार्यविधिः
