डोटी । डोटीबाट नेकपा एमालेकी गौरी ओलीलाई हराउँदै एकीकृत समाजवादीका प्रेम बहादुर आले विजयी भएका छन् । आफ्नो प्रतिद्वन्द्वी ओलीलाई ४ हजार २०६ मतान्तरले पराजित गर्दै आले प्रतिनिधि सभा सदस्यमा निर्वाचित भएका हुन् ।
सत्ता गठबन्धनका साझा उम्मेदवार आलेले २७ हजार २१० मत प्राप्त गरेका छन् । त्यस्तै, एमालेकी ओलीले २३ हजार ४ मत प्राप्त गरिन् भने स्वतन्त्र उम्मेदवार नरेन्द्र खड्काले ६ हजार ६८९ मत पाएका छन् ।
यता राप्रपाका अंकबहादुर खड्काले ८०२, राष्ट्रिय स्वतन्त्र पार्टीका उम्मेद्वार केशव बलायरले ७७४ र स्वतन्त्र उम्मेदवार राजप्रासाद जोशीले १०४ मत प्राप्त गरेका छन् । कुल १ लाख २४ हजार ८७० मतदाता रहेकामा ६३ हजार ५५२ मत खसेको थियो, जसमध्ये ४ हजार ९६९ मत बदर भएको छ ।
