काठमाडौं । समृद्धि फाइनान्सले ७ लाख ६७ हजार ३ सय ६६ कित्ता सेयर लिलामी बिक्री खुला गरेको छ । कम्पनीले आज बिहिबार मंसिर १ गतेदेखि संस्थापक समूहको सेयर लिलामीमा ल्याएको हो ।
लगानीकर्ताले न्यूनतम १०० रुपैयाँलाई आधार मानेर प्रतिस्पर्धात्मक बोलपत्रमा सहभागी हुनुपर्नेछ । न्यूनतम १ सय कित्तादेखि अधिकतम सबै कित्ताका लागि आवेदन दिन सकिने कम्पनीले जनाएको छ ।
उक्त सेयर खरिदका लागि विद्यमान संस्थापकहरु वा जो कोही व्यक्ति, कम्पनी, संघ, संस्थाहरुले आवेदन दिन सक्नेछन् । आवेदन दिने अन्तिम म्याद मंसिर १५ गतेसम्म रहेको छ भने बिक्री प्रबन्धकको काम बीओके क्यापिटलले गरेको छ ।
