काठमाडौं । साताको कारोबारको अन्तिम दिन बिहीबार नेप्से परिसूचक घटेको छ । बुधबारको तुलनामा नेप्से परिसूचक २३.५२ अंकले घटेर १८९३.७० बिन्दुमा पुगेको हो । नेपाल स्टक एक्सचेन्ज (नेप्से) का अनुसार बिहिबार कुल २२६ कम्पनीको ३१ लाख १४ हजार ६ सय ८९ कित्ता सेयर खरिद बिक्री हुँदा १ अर्ब ११ करोडमाथिको सेयर कारोबार भएको छ । आज सबैभन्दा बढी कारोबार शिवम् सिमेन्टको भएको छ । यस कम्पनीको १० करोड २२ लाख ३५ हजार ४ सय २८ रुपैयाँ ८० पैसा बराबरको सेयर कारोबार भएको हो ।

यसैगरी बिहीबारको सेयर बजारमा मन्दाकिनी हाइड्रोपावर लिमिटेडका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ३ प्रतिशत भन्दा धेरैले बढेको हो । यस अलावा सिन्धु विकास बैंक, हिमालयन पावर पार्टनर, सिटिजन्स म्युचुअल फण्ड-२, उपकार लघुवित्त वित्तिय संस्था, तारागाउँ रिजेन्सी होटल र बोटलर्स नेपाल (तराई) का लगानीकर्ता पनि मालामाल भएका छन् । हेर्नुहोस् बिहीबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बिहीबारको सेयर बजारमा सबैभन्दा बढी कारोबार शिवम् सिमेन्टको भएको छ । यस कम्पनीको १० करोड २२ लाख ३५ हजार ४ सय २८ रुपैयाँ ८० पैसा बराबरको सेयर कारोबार भएको हो । यस अलावा नेपाल रिइन्स्योरेन्स कम्पनी, युनाईटेड मोदी हाइड्रोपावर, हिमालयन डिष्ट्रिलरी, रिडी पावर कम्पनी र गुराँस फाइनान्सको पनि अत्याधिक कारोबार भएको छ । हेर्नुहोस् बिहीबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बिहीबारको सेयर बजारमा अपर हेवा खोला हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्यमा ६ प्रतिशत भन्दा धेरैले घटेको हो । अपर हेवा खोला हाइड्रोपावरको सेयरमा यस्तो गिरावट आउँदा किसान लघुवित्त वित्तिय संस्था, पन्चकन्या माई हाइड्रोपावर, गुहेश्वरी मर्चेन्ट बैंक, एमेर्जिङ नेपाल र एनआरएन इन्फ्रास्ट्रक्चरमा पनि उच्च गिरावट देखिएको छ । हेर्नुहोस् बिहीबारको सेयर बजारमा सबैभन्दा बढी गुमाउने कम्पनीहरुको सूचीः