काठमाडौं । काठमाडौं उपत्यका विकास प्राधिकरणले सरकारी, पर्ति, ऐलानी र खोला किनार अतिक्रमण गरी निर्माण गरिएका अनाधिकृत संरचना हटाउन ३५ दिने अल्टिमेटम जारी गरेको छ ।

प्राधिकरणले बुधबार एक सूचना जारी गर्दै अतिक्रमण गरी निर्माण गरिएका सबै अनधिकृत संरचना हटाउन निर्देशन दिएको हो । तोकिएको मितिमा नहटाएमा अतिक्रमण गरी निर्माण गरिएका संरचना प्राधिकरणले हटाउने र त्यसरी हटाउँदा वा भत्काउँदा लागेको लागत सम्बन्धित व्यक्ति वा संस्थाबाट असुल गरिने उल्लेख गरेको छ ।

सोमबार काठमाडौंको थापाथलीस्थित बागमती किनारमा रहेको सुकुम्बासी बस्ती हटाउन पुगेको महानगरको टोलीमाथि स्थानीयले आक्रमण गरेका थिए । वैकल्पिक व्यवस्थाबिनै विस्थापित गर्न खोजको भन्दै स्थानीयले ढुंगामुढा समेत गरेका थिए ।