काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । जिल्ला काभ्रेपलान्चोक साबिक टुकुचा गा.बि.स वडा नं. २ हाल परिवर्तित बनेपा नगरपालिका वडा नं. १ स्थाई घर भई हाल काठमाडौंको बानेश्वरमा बस्ने ४२ वर्षीय श्रीकृष्ण कार्की पक्राउ परेका हुन् ।

उच्च अदालत पाटनको मिति २०७७ साल पुस ९ गतेको फैसला अनुरुप कार्कीलाई ११ लाख ९५ हजार रुपैयाँ जरिवाना र ७ दिन कैद सजाय तोकेको थियो । फरार रहेका कार्कीलाई उपत्यका अपराध अनुसन्धान कार्यालबाट खटिएको प्रहरी टोलिले मिति २०७९ पुस ५ गते मंगलबार बानेश्वरबाट पक्राउ गरेको हो ।

पक्राउ परेका कार्कीलाई थप अनुसन्धान तथा कारवाहीका लागि जिल्ला अदालत काठमाडौँमा उपस्थित गराएको प्रहरीले जनाएको छ ।