काठमाडौं । बुद्ध ऐयरका संस्थापक अध्यक्ष सुरेन्द्र बहादुर बस्नेतको निधन भएको छ । विक्रम संवत् १९८४ मा भोजपुरको दिंगलस्थित साल्मामा जन्मिएका बस्नेतको ९५ वर्षको उमेरमा आइतबार निधन भएको हो ।
बस्नेतले बनारस हिन्दु विश्वविद्यालयबाट एमए र एलएलबीसम्मको अध्ययन पूरा गरेका थिए । सवोच्च अदालतको न्यायधीश, निर्वाचन आयोगको प्रथम प्रमुख आयुक्त र नेपाल प्रेस काउन्सिलको प्रथम अध्यक्ष समेत बनेको उनी कानुन तथा न्याय, शिक्षा मन्त्री र अर्थ, उद्योग, वाणिज्य तथा आपूर्ति मन्त्रीसमेत भएका थिए ।
७० वर्षको उमेरमा बस्नेतले बुद्ध एयरको स्थापना गरेका थिए । हाल बुद्ध ऐयरको प्रबन्ध निर्देशकका रुपमा उनका जेठा छोरा वीरेन्द्रबहादुर बस्नेत रहेका छन् । बस्नेतका २ छोरा र १ छोरी छन् ।
