">
काठमाडौं । अहिले नेपाली बैंकिङ क्षेत्रमा डिजिटलाईजेशनको होडबाजी छ । प्रविधिको बढ्दो प्रयोगसँगै बैंक तथा वित्तीय संस्थाहरु पनि आफ्ना सेवाहरुलाई प्रविधिसँग जोड्ने दौडमा छन् । केही समययता नेपाली बैंकिङ क्षेत्रमा प्रविधिसँग सम्बन्धीत नविनतम सेवाहरुको प्रयोगसमेत भईसकेको छ । यसैबीच आफ्ना सेवा तथा सुविधाका कारण लोकप्रिय बन्दै गएको सेञ्चुरी कमर्सियल बैंकले पनि आफ्ना अधिकांश सेवाहरुलाई डिजिटलाईज गरिसकेको छ ।
अहिले पनि बैंकमा खाता खोल्नका लागि अधिकांश ग्राहक हातमा नागरिकता, फोटो र अन्य कागजात बोकेर बैंकमै पुग्ने गर्छन् । अझ भनौँ लामो समयको यात्रापछि भौतिक उपस्थितिमै खाता खोल्छन् । तर, सेञ्चुरी कमर्सियल बैंकले ग्राहकको भौतिक उपस्थितिबिनै पनि खाता खोल्न सकिने सुविधा प्रयोगमा ल्याएको छ । अर्थात सेञ्चुरी कमर्सियल बैंकमा अनलाईनबाटै पनि खाता खोल्न सकिन्छ ।
अनलाईनबाटै खाता खोल्न के गर्ने ?
यसो त प्रविधिको प्रयोग अहिले धेरैका लागि नौलो होइन । प्राय सबैले आफ्नौ दैनिक जीवनमा मोबाइल–फोन वा कम्प्युटरको प्रयोग गरी नै रहन्छन् । र सेञ्चुरी कमर्सियल बैंकमा अनलाईनबाटै खाता खोल्नका लागि यो प्रयाप्त हुन्छ ।
सेञ्चुरी बैंकमा अनलाईनबाट खाता खोल्नका लागि सबैभन्दा पहिला आफ्नो मोबाईल वा कम्प्युटरमा onlineaccount.centurybank.com.np लगईन गर्नुपर्छ । सेञ्चुरी बैंकको अनलाइन एकाउन्ट ओपनिङ फर्म खुलेसँगै तपाईले खाता खोल्न चाहेको प्रदेश र ब्रान्च उल्लेख गरी, खाताको प्रकार छानेर प्रोसिड गर्नुपर्छ । त्यसपछि आफ्नो सम्पूर्ण व्यक्तिगत विवरण उल्लेख गरी रिसिभ भेरिफिकेसन कोडमा क्लिक गर्नुपर्छ ।
फर्ममा उल्लेख गरेको फोन नम्बर वा इमेलमा एउटा कोर्ड आउँछ । र सोही कोर्ड प्रयोग गरी भेरिफाई गरेसँगै अर्को अप्सन खुला हुन्छ । जहाँ आफ्नो सम्पूर्ण विवरण, पासपोर्ट साईजको फोटो, नागरिकता वा राष्ट्रिय परिचयपत्रको फोटो र हकवालाको फोटो र परिचयपत्र समावेश गर्नुपर्छ । सम्पूर्ण विवरण उल्लेख गरेपछि फर्ममा समावेश गरिएका विवरण सही छ वा छैन भनि समिक्षा गर्नुपर्छ र पेश गर्नुपर्छ । यसरी अनलाईनबाट सम्पूर्ण विवरण उल्लेख गरी अनलाईन फर्म पेश गरेपछि सजिलै सेञ्चुरी बैंकको ग्राहक बन्न सकिन्छ ।
अनलाईनबाट खाता खोल्नेहरु बढे
पछिल्लो समय सेञ्चुरी बैंकमा अनलाईनबाट खाता खोल्नेहरुको संख्यामा वृद्धि भएको बैंकले जनाएको छ । बैंकका अनुसार विगतमा खाता खोल्न बैंकमा पुग्नेहरुको भिड लाग्ने गरेको भएपनि अनलाईनबाट खाता खोल्न मिल्ने व्यवस्था गरेसँगै खाता खोल्नकै लागि बैंक पुग्नेहरुको संख्या घटेको छ ।
‘विगतमा बैंकमा खाता खोल्नेहरुको लाईन हुन्थ्यो । ग्राहकहरु हातमा नागरिकता र कागजात बोकेरै बैंक पुग्थे । बैंकका कर्मचारीलाई पनि भ्याईनभ्याई हुन्थ्यो’, बैंकका एक पुराना कर्मचारीले भने, ‘आजभोली बैंकमा खाता खोल्न आउनेहरु घटेका छन् । भौतिक फारम भरेर भन्दा अनलाईनबाट खाता खोल्नेहरुको फ्लो बढेको छ ।’
अनलाईन फर्म कत्तिको भरपर्दो छ ?
यसो त पछिल्ला केही घटनाहरुले अनलाईनमा आफ्नो विवरण राख्नु ठिक छ त ? भन्ने प्रश्न उब्जाएको छ । अनलाईनबाट खाता खोल्दा पनि आफ्नो सम्पूर्ण विवरण अनलाईनमै राख्नुपर्छ । केही ग्राहक भन्छन् – ‘यसले ग्राहकको गोपनीयता भंग त हुँदैन ? वा कसैले डकुमेन्ट्स तथा विवरणको दुरुपयोग त गर्दैन ?’ यो प्रश्न उठ्नु स्वभाविक हो ।
तर, अनलाईनबाट बैंक खाता खोल्दा ग्राहकको सम्पूर्ण विवरण सुरक्षित रहने सेञ्चुरी बैंकका आईटी विभागका कर्मचारीले बताएका छन् । ‘अनलाईन फर्म भर्दा समस्या देखिएको केही घटना भएको भए पनि सेञ्चुरी बैंकको हकमा भने त्यस्तो छैन’, ती कर्मचारीले भने, ‘ग्राहकले एकपटक फर्म पेश गरेपछि आफैले पनि पुनः हेर्न मिल्दैन ।’
#ADVT
