काठमाडौं । सिटिजन्स बैंक इन्टरनेसनलले संस्थापक सेयर बिक्रीमा ल्याएको छ । बैंकले संस्थापक सेयरधनी तुलसी प्रसाद पोख्रेलको नाममा रहेको १ लाख कित्ता संस्थापक सेयर बिक्री खुला गरेको हो ।

बैंकले प्रतिकित्ता न्युनतम मूल्य १५३ रुपैयाँ तोकेको छ भने उक्त सेयरमा बैंकका विधमान संस्थापक सेयरधनीले आवेदन दिन सक्नेछन् ।  सेयर खरिद गर्न इच्छुक संस्थापकले बिहीबार मंसिर २२ गतेबाट ३५ दिन भित्र बैंकको केन्द्रीय कार्यालय नारायणहिटी पथमा निवेदन पेश गर्नु पर्नेछ ।

उक्त समयमा संस्थापक सेयरधनीको आवेदन परेन भने अन्य व्यक्ति वा संस्थालाई सेयर बिक्री गरिने बैंकले जनाएको छ ।