काठमाडौं । चीनमा कोरोना भाइरसको संक्रमण पुनः देखिएको छ । केही दिनेदेखि चीनमा ‘ओमिक्रोन सबभेरियन्ट बीएफ ७’ का संक्रमितहरु तिव्र गति फैलिरहेको अन्तराष्ट्रिय सञ्चार माध्यमले जनाएको छ ।

चीनमा फैलिरहेको कारोना भाइरसको नयाँ संक्रमण भारतका केही शहरमा पनि देखिए पछि सतर्कता बढाइएको छ । भारतमा ‘कोरोनाको ओमिक्रोन सबभेरियन्ट बीएफ ७’का चार जना संक्रमित फेला परेका छन् । योसँगै भारतमा सार्वजनिक स्थलमा मास्कको प्रयोग, भौतिक दुरी तथा होम क्वारेन्टाइनको व्यवस्थामा थप कडाई गरिएको छ ।

चीनमा कोरोना भाइरसको नयाँ भेरियन्टबाट दैनिक १० लाख संक्रमित फेला परिरहेको अन्तराष्ट्रिय सञ्चार माध्यमको दाबी छ । जसमा दैनिक ५ हजार जनाले ज्यान गुमाइरहेको अनुमान गरिएको छ ।

यता नेपालमा भने हालसम्म कोरोना भाइरसको ‘ओमिक्रोन सबभेरियन्ट बीएफ ७’ को संक्रमण नभेटिएको स्वास्थ्य तथा जनसंख्या मन्त्रालयले दाबी गरेको छ । बिहीबार एक सूचना जारी गर्दै मन्त्रालयले ‘बीएफ ७’ नेपालमा नभेटिएको जनाएको हो । यद्यपी जोखिम भने रहेको भन्दै मन्त्रालयले मास्कको प्रयोग, भौतिक दुरी कायम तथा व्यक्तिगत सरसफाईमा ध्यान दिन आग्रह गरेको छ ।