काठमाडौं । गुराँस लघुवित्त वित्तीय संस्थाले लाभांश वितरण गर्ने घोषणा गरेको छ । लघुवित्त गत वर्ष २०७८/७९ को नाफाबाट ४.२१ प्रतिशत लाभांश वितरण गर्ने भएको हो ।
कम्पनीको मंगलबार बसेको संचालक समितिको बैठकले सेयरधनीहरुलाई ४ प्रतिशत बोनस सेयर र ०.२१ प्रतिशत नगद लाभांश वितरण गर्ने निर्णय गरेको हो । उक्त प्रस्तावित लाभांश नियामक नेपाल राष्ट्र बैंक र गुराँस लघुवित्तको आगामी साधारणसभाले अनुमोदन गरेपछि मात्र वितरण गरिने भएको छ ।
लघुवित्तले अघिल्लो वर्ष भने १६.९१ प्रतिशत बोनस सेयर र ०.८९ प्रतिशत नगद लाभांश वितरण गरेको थियो ।
