काठमाडौं । भगवती हाइड्रोपावरले आइपीओ निष्काशन गर्नको लागि अनुमति माग्न नेपाल धितोपत्र बोर्ड पुगेको छ । कम्पनीले अंकित मूल्य १०० रुपैयाँमा प्रिमियम जोडेर प्रतिकित्ता ११६ रुपैयाँको दरले १४ लाख ३० हजार कित्ता आइपीओ बिक्री गर्ने अनुमति मागेको हो ।

कम्पनीले पहिलो चरणमा आयोजना प्रभावित स्थानीय बासिन्दा र वैदेशिक रोजगारमा गएका नेपालीहरुका लागि आइपीओ जारी गर्ने भएको छ । साथै, दोश्रो चरणमा सर्वसाधारणका लागी आइपीओ निष्काशन गर्ने अनुमति मागेको हो ।

धितोपत्र बोर्डबाट अनुमति पाएपछि आइपीओ निष्काशनको थप प्रक्रिया अघि बढ्ने छ । यसमा बिक्री प्रबन्धकको काम सिद्धार्थ क्यापिटलले गर्ने भएको छ ।