काठमाडौं । मुक्तिनाथ विकास बैंकले गत आर्थिक वर्षको नाफाबाट सेयरधनीलाई लाभांश वितरण गर्ने घोषणा गरेको छ । बैंकको शुक्रबार बसेको संचालक समितिको बैठकले सेयरधनीहरुलाई १३.५ प्रतिशत बोनस सेयर र कर प्रयोजनका लागि ०.७१ प्रतिशत नगद लाभांश वितरण गर्ने निर्णय गरेको हो ।

प्रस्तावित लाभांश नियामक नेपाल राष्ट्र बैंक र मुक्तिनाथको आगामी वार्षिक साधारणसभाले पारित गतेपछि मात्र वितरण गरिने भएको छ । बैंकले अघिल्लो वर्ष भने १७.५८ प्रतिशत बोनस सेयर र ०.९३ प्रतिशत लाभांश वितरण गरेको थियो । अघिल्लो वर्षको तुलनामा बैंकले यस वर्ष भने थोरै लाभांश वितरण गर्ने भएको छ ।