काठमाडौं । नेपाल राष्ट्र बैंकले ४३ करोड थान नोट छाप्ने जिम्मा भारतको सरकारी कम्पनीलाई दिएको छ । एक हजार दरका नयाँ नोट छाप्ने जिम्मा राष्ट्र बैंकले भारतको सेक्युरिटी प्रिन्टिङ एन्ड मिन्टिङ कर्पोरेसन अफ इन्डिया लिमिटेडलाई दिएको हो ।

राष्ट्र बैंकले नोट छपाइका लागि समझौता गर्ने गरी आसय पत्र जारी गरेको छ । एक हजार रुपैयाा दरका नोटको डिजाइन, छपाइ र ढुवानीको काम सो कम्पनीले पाउने भएको हो ।

करिब एक अर्ब ४६ करोड रुपैयाँ बराबरको अमेरिकी डलरमा सेक्युरिटी प्रिन्टिङ एन्ड मिन्टिङ कर्पोरेसनले काम जिम्मा पाएको हो । प्रतिस्पर्धामा रहेका ब्राजिल, चीन र फ्रान्सका कम्पनीले बढी रकम कबोल गरेका कारण छनोट हुन नसकेको राष्ट्र बैंकले जनाएको छ ।