काठमाडौं । नेपाल राष्ट्र बैंकले बैंक तथा वित्तीय संस्थाहरुलाई कोड अफ कन्डक्ट लागू गर्न निर्देशन दिएको छ ।
शुक्रबार नेपाल राष्ट्र बैंकले ‘क’, ‘ख’ र ‘ग’ वर्गका बैंक तथा वित्तीय संस्थालाई जारी गरेको एकीकृत निर्देशन २०७८ को निर्देशनमा संशोधन सार्वजनिक गर्दै सबै बैंक तथा वित्तीय संस्थाहरुलाई यस्तो निर्देशन दिएको हो ।
‘इजाजतप्राप्त बैंक तथा वित्तीय संस्थाको सञ्चालक समिति, कार्यकारी प्रमुख तथा कर्मचारीहरुले पालना गर्नुपर्ने आचरण सम्बन्धमा सदाचार नीति (कोड अफ कन्डक्ट) तर्जुमा गरी लागू गर्नु पर्नेछ ।’ – निर्देशिकामा उल्लेख गरिएको छ ।
