×

Live on

रेडियो अर्थ सरोकार

Listen to live radio.

laxmi sunrise bank

क्षमा मागेपछि नेप्सेले रिडी पावरको सेयर कारोबार फुकुवा गर्यो

काठमाडौं । नेपाल स्टक एक्सचेन्ज (नेप्से)ले रिडी पावर कम्पनीको सेयर कारोबार फुकुवा गरेको छ । कम्पनीले गल्ती स्वीकार गर्दै नेप्सेसँग क्षमा याचना मागेपछि नेप्सेले कारोबार फुकुवा गरेको हो ।

रिडी पावर कम्पनीले कारोबार समयमा लाभांश घोषणा गरेको भन्दै नेप्सेले कारोबार बन्द गरेको थियो । कम्पनीले मंसिर ६ गते मंगलबार ११ बजे सञ्चालक समितिको बैठक राखेर लाभांश घोषणा गरेको थियो । सो को जानकारी कम्पनीले नेप्सेलाई बजार बन्द भएपछि गराएको थियो । यसरी कारोबार समयमा कानुन विपरित लाभांश घोषणा गरेको भन्दै नेप्सेले कम्पनीलाई स्पष्टिकरणसमेत सोधेको थियो ।

स्पष्टिकरणको जवाफ फर्काउँदै कम्पनीले क्षमायाचना मागेपछि नेप्सेले सोमबारदेखि लागू हुनेगरी कारोबा फुकुवा गरेको हो । ‘अब उप्रान्त यस्तो कमिकमजोरी नगर्ने/नगराउने प्रतिबद्धता व्यक्ति गर्दै कम्पनीले क्षमायाचना मागेकोले आगामी दिनमा त्यस कम्पनीले धितोपत्र सूचीकरण विनियमावली, २०७५ को अक्षरस् पालना गर्नु/गराउनु हुन सचेत गराउँदै रोक्का रहेको कारोबार फुकुवा गरिएको छ ।’ – नेप्सेले जारी गरेको पत्रमा उल्लेख गरिएको छ ।

कम्पनीले मंसिर ६ गते आर्थिक वर्ष २०७८/०७९ को नाफाबाट ४२।१० प्रतिशत लाभांश घोषणा गरेको थियो ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: