काठमाडौं ।  सानिमा लाइफ इन्स्योरेन्ससँग मर्जर प्रक्रियामा रहेको रिलायन्स लाइफ इन्स्योरेन्सको सेयर कारोबार फुकुवा भएको छ । बुधबार नेपाल स्टक एक्सचेन्ज (नेप्से)ले रिलायन्स इन्स्योरेन्सको आधारभूत सेयरधनीबाहेक अन्य सेयरधनीहरुको सेयर कारोबार फुकुवा गरेको हो ।

दुवै कम्पनीले असार २९ गते मर्जर सम्बन्धी सम्झौतापत्रमा हस्ताक्षर गरेका थिए । सोहि दिन देखि रिलायन्सको सेयर कारोबार रोक्का रहेको थियो । सानिमा लाइफको भने यस अघिनै कारोबार फुकुवा भइसकेको छ ।

हाल सानिमा लाइफको २ अर्ब ८ करोड ४० लाख रुपैयाँ र रिलायन्स लाइफको २ अर्ब १० करोड रुपैयाँ चुक्ता पुँजी रहेको छ ।