काठमाडौं । शिव श्री हाइड्रोपावर लिमिटेडले चालु आर्थिक वर्षको पहिलो त्रैमासको वित्तिय विवरण सार्वजनिक गरेको छ । कम्पनीले पहिलो त्रैमासमा ३ करोड ४८ लाख ३२ हजार रुपैयाँ घाटा व्येहोरेको छ ।

यता, हाइड्रोपावरको असोज मसान्तसम्ममा विद्युत बिक्रीबाट हुने आम्दानी भने २५५.१२ प्रतिशतले बढेर १५ करोड ५० लाख ३७ हजार रुपैयाँ पुगेको छ । अघिल्लो आर्थिक वर्षको सोहि अवधिमा कम्पनीले विद्युत बिक्रीबाट ४ करोड ३६ लाख रुपैयाँ आर्जन गरेको थियो ।

साथै, कम्पनीको संचालन आम्दानी १३ करोड ८० लाख रुपैयाँ रहेको छ । शिव श्रीको चुक्ता पुँजी १ अर्ब  ४७ करोड ६४ लाख रुपैयाँ रहेको छ । जगेडा कोष ५७ करोड ३० लाख रुपैयाँ ऋणात्मक रहेको छ । त्यस्तै, हाइड्रोपावरको प्रतिसेयर आम्दानी ९ रुपैयाँ ४४ पैसा नोक्सानमा रहेको छ भने प्रतिसेयर नेटवर्थ ६१ रुपैयाँ १९ पैसा रहेको छ ।