काठमाडौं । ट्वीटरले सोमाबारदेखि ‘ब्लु टिक सब्सक्रिप्सन सर्भिस’ पुनः सुरु गरेको छ । डिसेम्बर १२ देखि लागू हुनेगरी ट्वीटरले एन्ड्रोईड युजरका लागि मासिक ८ र आईओएस युजरका लागि मासिक ११ अमेरिकी डलर मूल्य निर्धारण गरेको छ ।

ट्वीटरका मालिक एनल मस्कले यसपटक आईफोन युजरका लागि ‘ट्वीटर ब्लु टिक सब्सक्रिप्सन सर्भिस’को मूल्य बढाएका हुन् । एप्पलले ३० प्रतिशत आईओएस एपबाट पैसा असुल्ने गरेको कारण मूल्य वृद्धि गरिएको ट्वीटरले जनाएको छ । यसपटक ट्वीटरले बिजनेश र सरकारी एकाउन्टका लागि छुट्टाछुट्टै चेकमार्क ल्याउने तयारी गरेको छ ।

ट्वीटरका अनुसार सोमबारदेखि वेबमा ८ डलर प्रति महिना र आईओएसमा ११ डलर प्रति महिनाको दरले सब्सक्राइब गर्नुपर्नेछ । ट्वीटरको नयाँ नियम अनुसार ब्लु टिकका सब्सक्राईबरका लागि ट्वीट एडिट गर्न पाउनुका साथै १०८० पी को भिडियो अपलोड, रिडर मोड र एउटा निलो चेकमार्क पाउनेछन् ।

यसबाहेक बिजनेस एकाउन्टका लागि गोल्डेन अफिसियल लेबल र सरकारी अकाउन्टका लागि एउटा ग्रे चेकमार्क पनि आउने ट्विटरले जानकारी दिएको छ ।