×

Live on

रेडियो अर्थ सरोकार

Listen to live radio.

laxmi sunrise bank

प्रभुलाई ‘ब्रेकअप’ दिएर अजोडले युनाइटेडसँग गर्यो मर्जर सम्झौता, ‘अजोडबाट बेजोड धोकाधढी !’

काठमाडौं । प्रारम्भिक सहमतिविपरित स्वाप रेसियो र सीइओको विषयमा चर्को बार्गेनिङ गरेको अजोड इन्स्योरेन्सले अन्तत: प्रभु लाइफ इन्स्योरेन्सलाई धोका दिएर मर्जर भाँडेको छ । मर्जर भाँडेको मात्र होइन भोलिपल्टै युनाईटेड इन्स्योरेन्ससँग कम्पनीले मर्जर सम्झौतासमेत गरेको छ ।

प्रभु र युनाईटेड इन्स्योरेन्सले नाम प्रभु इन्स्योरेन्स र स्वाप रेसियोसमेत डिडिएबाट फाइनल गर्नेगरी सम्झौता गरेको थियो । तर पछि अजोडले सो सहमतिविपरित नाम र स्वाप रेसियोमा निहुँ खोजेपछि प्रभु बिच्किएको थियो । अझ मर्जरपछि अजोडकै सीइओ हुनुपर्छ भन्ने अडान अजोडले लिएपछि अन्तत: मर्जर भाँडिएको थियो । स्रोतले दिएको जानकारी अनुसार यो मर्जर भाँडिनुमा अजोडको धोकाधढी नै मुख्य कारण हो । ‘अजोडबाट बेजोड धोकाधढी भयो, यस्तो सोचेका पनि थिएनौँ ।’ प्रभु बैंकका एक संचालकले अर्थ सरोकारसँग भने- ‘ठिकै भयो, छुट्टिएकै ठिक छ।’

यता प्रभुसँग मर्जर भाँडिएपछि कम्पनीले युनाइटेड इन्स्योरेन्स कम्पनीसँग मर्जर जाने सम्झौता गरेको छ । सहमति पत्रमा दुवै कम्पनीका वार्ता टोलीका प्रमुखले हस्ताक्षर गरेका छन् भने युनाइटेड इन्स्योरेन्स कम्पनीका अध्यक्ष रविभक्त श्रेष्ठ र युनाइटेड इन्स्योरेन्स कम्पनीका अध्यक्ष आजाद श्रेष्ठले हस्ताक्षर गरेका छन् । यसो त यी दुई कम्पनीको मर्जरको छलफल एक्कासी  भएको भने होइन । दुई कम्पनी मर्जरमा जाने र आफुलाई डेपुटी बनाउने तयारी गरेको थाहा पाएपछि युनाईटेडकि तत्कालीन सीइओ उपाशना पौडेलले कम्पनी छोडेकी थिइन् ।

अहिले भएको सहमति अनुसार १००:९० मा स्वाप फाइनल भएको छ भने अध्यक्ष युनाइटेड इन्स्योरेन्सले पाउनेछ ।  मर्जर लगत्तै सिइओ अजोडबाट हुनेछन् भने मर्जरको केहि समयपछि अजोडका सीइओलाई बिदा गरेर नयाँ सीइओ ल्याउने तयारी भईरहेको छ ।

Hamro Parto AD
TRITON COLLEGE

प्रतिक्रिया दिनुहोस्

सिफारिस: