काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । जिल्ला दोलखा साबिक भेडपू गा.वि.स वडा नं ८ परिवर्ति मेलुङ गाउँपालिका वडा नं ४ स्थाई घर भई हाल ललितपुर महानगरपालिका वडा नं ९ बस्ने ४७ वर्षीय भिम बहादुर तामाङ पक्राउ परेका हुन् ।
उच्च अदालत पाटनबाट मिति २०७८/०४/०८ गतेको फैसला अनुसार ९ लाख ६० हजार जरिवाना, ३ दिन कैद र ३८ हजार ४ सय रुपैयाँ क्षेतिपूर्ति भराउने फैसला भएसंगै तामाङ फरार रहेका थिए । उनलाई काठमाडौं उपत्यका अपराध अनुसन्धान कार्यालयबाट खटिएको विशेष टोलिले माघ १४ गते काठमाडौँ महानगरपालिका वडा नं ६ बौद्धबाट पक्राउ गरेको हो ।
पक्राउ परेका तामाङलाई फैसला कार्यान्वयनका लागि माघ १५ गते काठमाडौँ जिल्ला अदालत पठाईएको प्रहरीले जनाएको छ ।
