काठमाडौँ । नेपाल इन्भेष्टमेन्ट बैंक र मेगा बैंकले बुधबारबाट एकीकृत कारोबार सुरु गर्ने भएका छन् । दुवै बैंकले मर्जरपछि नेपाल इन्भेष्टमेन्ट मेगा बैंकको नामबाट औपचारिक रुपमा एकीकृत कारोबार सुरु गर्ने भएका हुन् । बैंकका अध्यक्ष पृथ्वीबहादुर पाँडे र ज्योतिप्रकाश पाण्डेयले दीप प्रज्ज्वलन गरी कारोबार शुभारम्भ गरेका हुन् ।
कार्यक्रममा बोल्दै बैंकका अध्यक्ष पृथ्वी बहादुर पाँडेले एकपछि अर्को लगातार भईरहेको बिग मर्जरले नेपाली बैंकिङ क्षेत्रमा छुट्टै सिनर्जी ल्याएको बताएका छन् । बिग मर्जरले सिनर्जी ल्याईरहेका बेला नेपाल इन्भेष्टमेन्ट बैंक र मेगा बैंकबीचको मर्जरले थप उत्साह थपेको पाँडेको भनाई छ ।
दुवै बैंकबीच १००ः९० को स्वाप रेसियोमा मर्जर भएको हो । योसँगै अब मेगा बैंकमा १०० कित्ता सेयर हुनेले नेपाल इन्भेष्टमेन्ट बैंकको ९० कित्ता सेयर पाउनेछन् ।
मर्जरपछि बैंकको कुल चुक्ता पूँजी करिब ३५ अर्ब पुग्नेछ । त्यस्तै, जगेडा कोषमा पनि १९ अर्ब ७५ करोड रुपैयाँ रहनेछ भने निक्षेप संकलन साढे ३ खर्ब र कर्जा लगानी सवा तीन खर्ब पुग्ने भएको छ ।
मर्जरपछि बनेको नेपाल इन्भेष्टमेन्ट मेगा बैंकको अध्यक्षमा पृथ्वी बहादुर पाँडे रहनेछन् भने मर्जरपछि बैंकको सीईओमा ज्योतिप्रकाश पाण्डेय रहनेछन् । बैंकको बरिष्ठ नायम प्रमुख कार्यकारी अधिकृतमा मेगाका महेश खनाल रहनेछन् ।
