चितवन । मृत्यु भएका व्यक्तिको हातबाट ब्रास्लेट चोरी गरेको आरोपमा भरतपुर अस्पतालका सुरक्षा गार्ड पक्राउ परेका छन् ।
दुर्घटनामा परी ज्यान गुमाएका युवकको हातमा लगाएको ब्रास्लेट चोरेको भन्दै सुरक्षा गार्ड खोटाङको ऐसेलुखर्क ५ का २७ वर्षीय कृष्ण राईलाई पक्राउ गरिएको जिल्ला प्रहरी कार्यालय चितवनले जनाएको छ ।
पक्राउ परेका राईले १७ पुसमा नारायणगढ मुग्लिन सडकखण्डमा भएको दुर्घटनामा परी ज्यान गुमाएका युवकले हातमा लगाएको ब्रास्लेट चोरेको प्रहरीले जनाएको छ ।
उनले मृतकको शव आकस्मिक कक्ष नजिकै रहेको कोठामा राखिएको बेला ब्रास्लेट चोरी गरेको प्रहरीको भनाई छ ।
