काठमाडौं । रवि लामिछाने नेतृत्वको राष्ट्रिय स्वतन्त्र पार्टीले सांसदहरुसँग मासिक २५ हजार रुपैयाँ र मन्त्रीहरुसँग मासिक ३० हजार रुपैयाँ उठाउने भएको छ ।

माघ ८ गते बसेको पार्टीको केन्द्रीय समिति बैठकले मन्त्री तथा सांसदहरुसँग लेबी उठाउने निर्णय गरेको हो ।

रास्वपाबाट प्रतिनिधिसभा सदस्यमा २० जना निर्वाचित भएका छन् । जसमध्ये अध्यक्ष रवि लामिछाने र सांसदहरु डोलप्रसाद अर्याल, शिशिर खनाल र डा. तोसिमा कार्की मन्त्रिपरिषदमा सहभागी छन् ।

अब रास्वपाबाट मन्त्री बनेकाहरुले पार्टीलाई मासिक ३० र सांसदले मासिक २५ हजार लेबि तिर्नुपर्नेछ ।