काठमाडौं । कठोर ब्रत मानिने एक महिने स्वस्थानी ब्रत अर्थात माधवनारायण मेलाको रौनक साँखुको शालीनदीमा बढेको छ । स्वस्थानी ब्रतको अवधि उत्तरार्धतिर आइपुग्दा यो रौनक झन् बढेको हो । पौष शुक्ल पूर्णिमादेखि माघ शुक्ल पूर्णिमासम्म विधिपूर्वक गरिने स्वस्थानी ब्रत बसेका र स्वस्थानीमा आस्था राख्ने भक्तजनहरुको शालीनदीमा राम्रै भीड देखिन्छ ।
पुस २२ गतेदेखि सुरु भएको शालीनदी मेलामा भक्तजनहरुको भीड नै देखिन्.छ । अझ बिदाको दिन त हजारौँको संख्यामा भक्तजनहरु शालीनदीमा पुग्ने गरेका छन् । यसै पनि साँखुको शालीनदी धार्मिक दृष्टिकोणले पनि त्यत्तिकै महत्वपूर्ण मानिन्छ । एक महिनासम्म विभिन्न जिल्लाबाट भक्तजनहरु स्नान गर्न र दर्शन गर्नकै लागि यहाँ पुग्ने गर्दछन् । त्यसैमाथि एक महिनासम्म लाग्ने शालीनदी मेलाले यसप्रतिको आकर्षण झनै बढाएको छ ।
तर, यसवर्ष भने अघिल्ला वर्षको जस्तो रौनकता भने शालीनदीमा देखिएको छैन । अघिल्ला वर्ष शालीनदी मेला सुरु भएको दिनदेखि नै भक्तजनहरुको भीड लाग्ने गरेको भए पनि यसवर्ष भने शालीनदीमा भक्तजनहरुको सहभागिता भने घटेको छ । विभिन्न जिल्लाबाट भक्तजनहरु आउने क्रम जारि रहेको भए पनि विगतका वर्षको जस्तो भिड र रौनकता नभएको पुरोहितहरुले बताएका छन् । बाँकी फोटो फिचरमा हेर्नुहोस्ः
