काठमाडौं । चिनियाँसँगको मिलेमतोमा घुस खाएर मोटाएका भन्सार अधिकृत दानबहादुर केसी अख्तियारको फन्दामा परेका छन् । रसुवा भन्सार कार्यालयका तत्कालीन भन्सार अधिकृत केसीविरुद्ध अख्तियार दुरुपयोग अनुन्धान आयोगले भ्रष्टाचारको मुद्धा दायर गरेको हो ।
केसीको साथबाट स्रोत नखुलेको २ करोड १० लाख १० हजार ४ सय ८२ रुपैयाँ ५१ पैसा पाइएपछि अख्तियारले विशेष अदालतमा उनीविरुद्ध भ्रष्टाचार मुद्धा दायर गरेको हो ।
अख्तियारका अनुसार २०४३ सालमा सरकारी सेवामा प्रवेश गरेका केसीको २०७८ असार ३० गतेसम्म वैध आम्दानी ३ करोड ५१ लाख १६ हजार २० रुपैयाँ २२ पैसा हुनुपथ्र्यो तर उनको खर्च ५ करोड ६१ लाख २६ हजार ५ सय २ रुपैयाँ ७३ पैसा भेटिएको छ । जसमा २ करोड बढी रकम अवैध भएको पाइएको हो ।
केसीले सरकारी सेवामा लागेपछि आम्दानी गरेको रकमबाट घरजग्गा किन्नुका साथै आफ्नो र आफ्नो पत्नी सुशीला पण्डितको नाममा बैंकमा रकम जम्मा गरेको पाइएको अख्तियारले जनाएको छ । योसँगै अख्तियारले केसीसँग भएको स्रोत नखुलेको सम्पत्ति जफत गर्न समेत माग गरेको छ ।
स्रोतका अनुसार केसीले रसुवा भन्सार कार्यालयमा रहँदा चिनियाँसँगको मिलेमतोमा करोडौँ रुपैयाँको चलखेल गर्ने गर्थे ।
