काठमाडौं । अपि पावर कम्पनीको फागुन १४ गते वार्षिक साधारणसभा हुने भएको छ । कम्पनीको साधारणसभा बानेश्वर ब्यांकेट, थापागाउँ काठमाडौंमा बिहान ११ बजेबाट सुरु हुने भएको हो ।

सभामा कम्पनीले ७.५ प्रतिशत बोनस सेयर र कर प्रायोजनका लागी ०.३९ प्रतिशत नगद गरी कुल ७.८९ प्रतिशत लाभांश दिने प्रस्ताव पेश गर्ने भएको छ । साथै,बोनस सेयर वितरणपछि कायम हुने पुँजीमा ४० प्रतिशतका दरले हकप्रद सेयर जारी गर्ने प्रस्ताव पनि पेश हुने भएको छ ।

साथै, सभामा आर्थिक वर्ष २०७८/७९ को संचालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव समेत पेश हुनेछ । त्यस्तै, आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेण्डा पनि रहेको छ ।

सभा प्रयोजनका लागि कम्पनीले फागुन ४ गते बुक क्लोज गरिसकेको छ । फागुन ३ गतेसम्म कायम रहेका सेयरधनीले मात्र सभामा भाग लिन र प्रस्तावित लाभांश पाउन सक्ने कम्पनीले जनाएको छ ।