काठमाडौं । लघुवित्तको आतंकका  कारण ग्रामिण भेगका मानिसहरु आत्महत्या गर्न बाध्य भएको नेपाली कांग्रेसका नेता डा. चन्द्र भण्डारी बताएका छन् । भण्डारीले  आइतबार सामाजिक संजालमार्फत लघुवित्तको दबाब सहनै नसकेपछि आत्महत्या गर्नेहरुको शंख्या बढेको बताएका हुन् ।

उनले विकास सेवा र सहयोगको नाममा मानिसलाई मृत्यको मुखमा पुर्याउने लघुवित्तका बारेमा समयमै सोच्नुपर्ने भन्दै सरकारको ध्यानाकर्षण गराएका छन् ।

उनले भनेका छन्, ‘नेपाली आम संचार जगतमा लघुबित्तको कारण ग्रामिण भेगका परिवार बिस्थापित हुने र बिशेषगरी महिलाहरुले आत्महत्या सम्म गरिरहेको समाचारहरु दिनहुँ सार्वजनिक भैरहेका छन्। यो समस्या मेरो जिल्ला गुल्मीमा पनि बिकराल बनिरहेको छ । संचार जगतमा सार्वजनिक भएका यी समाचार सत्य हुन भने मुलुक र नागरिकका लागि यो ठूलो अपराध हो । समस्या समाधानका निम्ति मैले सरोकारवाला निकायसंग पटक पटक आग्रह गरिरहेको छु । विकास, सेवा, र सहयोगका नाममा सोझा नागरिकको घरबास नै उठाउन किमार्थ पाईंदैन । सरकार र जिम्मेवार निकायहरुलेले यसको बिषयमा तत्काल ठोस कदम चालोस,जनता लुट्ने पेशाको साझेदारी जस्तो नबनोस !!! गम्भीर ध्यानाकर्षण गराउन चाहान्छु ।’