काठमाडौं । बैंकिङ कसुर मुद्दाका फरार प्रतिवादी पक्राउ परेका छन् । जिल्ला सिन्धुली कमलामाई नगरपालिका वडा नं. १७ स्थाई बतन भई हाल काठमाडौं महानगरपालिका वडा नं. ३१ शान्तिनगर बस्ने ४३ वर्षीय भुवन बहादुर माझी पक्राउ परेका हुन् ।
उच्च अदालत पाटनको मिति २०७९/०५/२८ गतेको आदेश अनुसार १ करोड १९ लाख ७३ हजार ६ सय रुपैयाँ विगो भई फरार रहेका थिए । उनलाई काठमाडौं उपत्यका अनुसन्धान कार्यालयबाट खटिएको प्रहरी टोलिले नयाँबानेश्वरबाट पक्राउ गरेको हो ।
पक्राउ परेका माझीलाई आवश्यक कारवाहीका लागी काठमाडौं जिल्ला अदालत पठाईएको प्रहरीले जनाएको छ ।
