काठमाडौं । नेपाल राष्ट्र बैंकले ऋण लिँदाको सर्त लागू नभए खबर गर्न अपिल गरेको छ । मंगलबार एक सूचना जारी गर्दै राष्ट्र बैंकले बैंक तथा वित्तीय संस्थाबाट ऋण लिँदा भएको सम्झौता अनुसार सर्त लागू नभएको भए जानकारी दिन अपिल गरेको हो ।
ऋण लिनु भनेको ‘ऋणी’ र ‘ऋण दिने संस्था’बीचको सम्झौता भएको बताउँदै सो सम्झौता अनुसार ब्याजदर, ऋणको अवधि, भुक्तानी विधि, धितो, ऋण असुली जस्ता विषयमा नियामकीय दायरामा रही आवश्यक सर्त तोकिने राष्ट्र बैंकले जनाएको छ । तर, सम्झौता अनुसार बैंक तथा वित्तीय संस्थामा कुनै पनि कार्य भएको छैन भने गुनासो गर्न राष्ट्र बैंकले अपिल गरेको छ ।
‘ऋण लिँदाका सर्तअनुसार भए गरेको छैन भने ऋण लिएको संस्थाको वेबसाइटमा उपलब्ध गराइएको गुनासो सुन्ने अधिकारीसमक्ष गुनासो दर्ता गर्नुहोस् । उक्त संस्थाबाट गुनासो सुनुवाई नभएमा नेपाल राष्ट्र बैंकमा रहेको वित्तीय ग्राहक इकाइमा गुनासो दर्ता गर्न सक्नुहुनेछ’– राष्ट्र बैंकद्धारा जारी सूचनामा भनिएको छ । यस्तो छ सूचनाः
