काठमाडौं । भारतीय आयाल कर्पोरेसन (आईओसी)ले पेट्रोलियम पदार्थको नयाँ मूल्यसूची पठाएको छ ।

आईओसीले  पेट्रोल, डिजेल, मट्टितेल र हवाई इन्धनको मूल्य बढाएर नयाँ सूची नेपाल आयल निगमलाई पठाएको हो । नेपाल आयल निगमलाई प्राप्त नयाँ मूल्यसूची अनुसार आईओसीले पेट्रोलमा प्रतिलिटर ८ रुपैयाँ र  डिजेलमा ७ रुपैयाँ ९८ पैसा बढाएको छ ।

त्यस्तै, मट्टितेलमा ४ रुपैयाँ ८० पैसा वृद्धि गरेको छ भने हवाई इन्धनमा ७ रुपैयाँ ५० पैसा वृद्धि गरेको छ । भारतबाट बढेर नयाँ मूल्य आए पनि निगमले आफ्नो उपभोक्ताका लागि नयाँ मूल्य भने निर्धारण गरेको छैन ।