काठमाडौं । साताको कारोबारको चौथो दिन बुधबार सेयर बजार झिनो अंकले बढेको छ । मंगलबारको तुलनामा नेप्से परिसूचक ४.९७ अंकले बढेर २११६.६५ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २६१ कम्पनीको ५० लाख २४ हजार ३ सय ८१ कित्ता सेयर खरिद बिक्री हुँदा १ अर्ब ७६ करोडमाथिको सेयर कारोबार भएको हो । आज सबैभन्दा बढी कारोबार नेपाल बैंक लिमिटेडको भएको छ । यस कम्पनीको ५ करोड ९३ लाख ३९ हजार ४ सय ४४ रुपैयाँ ३० पैसा बराबरको सेयर कारोबार भएको हो ।

यसैगरी बुधबारको सेयर बजारमा आदर्श लघुवित्त वित्तिय संस्थाका लगानीकर्ताहरुले मनग्य पैसा छापेका छन् । यस कम्पनीको सयेर मूल्यमा पोजेटिभ सर्किट लागेको हो । यस अलावा सिद्धार्थ इन्स्योरेन्स, इस्टर्न हाइड्रोपावर, राप्ती हाइड्रो एण्ड जेनेरल कन्स्ट्रक्सन र सयपत्री हाइड्रोपावरका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बुधबारको सेयर बजारमा सबैभन्दा बढी कारोबार नेपाल बैंक लिमिटेडको भएको छ । यस कम्पनीको ५ करोड ९३ लाख ३९ हजार ४ सय ४४ रुपैयाँ ३० पैसा बराबरको सेयर कारोबार भएको हो । यस अलावा रिडी पावर कम्पनी, एनआइसी एशिया बैंक, लुम्बिनी जनरल इन्स्योरेन्स र स्टाण्डर्ड चार्टर्ड बैंकको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बुधबारको सेयर बजारमा एनआइबिएल सम्बृद्धि फण्ड-२ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ३ प्रतिशत भन्दा धेरैले घटेको हो । एनआइबिएलको सेयरमा यस्तो गिरावट आउँदा सगरमाथा इन्स्योरेन्स, मानुषी लघुवित्त वित्तिय संस्था, गुराँस लाइफ इन्स्योरेन्स र एनएमबि ५०मा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः