काठमाडौं । मंगलबार पनि सेयर बजार घटेको छ । आइतबारको तुलनामा नेप्से परिसूचक १६.४० अंकले घटेर २१०५.४६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार मंगलबार कुल २५५ कम्पनीको ४६ लाख ८५ हजार ८ सय ९ कित्ता सेयर खरिद बिक्री हुँदा १ अर्ब ७८ करोडमाथिको सेयर कारोबार भएको हो । मंगलबार पनि सबैभन्दा बढी कारोबार हिमालयन डिष्ट्रिलरीको भएको छ । यस कम्पनीको ७ करोड ७५ लाख ६५ हजार ३ सय ७२ रुपैयाँ ९० पैसा बराबरको सेयर कारोबार भएको हो ।
यसैगरी मंगलबारको सेयर बजारमा युनिलिभर नेपालका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ६ प्रतिशत भन्दा धेरैले बढेको हो । यस अलावा राप्ती हाइड्रो एण्ड जेनेरल, नेपाल इन्स्योरेन्स, समलिंग पावर, सानिमा लार्ज क्याप फण्ड र एनएमबि ५० का लगानीकर्ता पनि मालामाल भएका छन् । हेर्नुहोस् मंगलबारको सेयर बजारमा सबैभन्दा बढी नाफा गर्ने कम्पनीहरुको सूचीः
यसैबीच मंगलबारको सेयर बजारमा सबैभन्दा बढी कारोबार हिमालयन डिष्ट्रिलरीको भएको छ । यस कम्पनीको ७ करोड ७५ लाख ६५ हजार ३ सय ७२ रुपैयाँ ९० पैसा बराबरको सेयर कारोबार भएको हो । यस अलावा ङ्गादि ग्रुप पावर, एनआइसी एशिया बैंक, नेपाल इन्स्योरेन्स, अपि पावर र नबिल बैंक लिमिटेडको पनि अत्याधिक कारोबार भएको छ । हेर्नुहोस् मंगलबारको सेयर बजारमा सर्वाधिक कारोबार हुने कम्पनीहरुको सूचीः
यस्तै मंगलबारको सेयर बजारमा बाराही हाइड्रोपावरका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ५ प्रतिशत भन्दा धेरैले घटेको हो । बाराहीको सेयरमा यस्तो गिरावट आउँदा लक्ष्मी लघुवित्त, सामुदायिक लघुवित्त, ग्रिन डिभलप्मेन्ट बैंक र सबैको लघुवित्तमा पनि उच्च गिरावट देखिएको छ । हेर्नुहोस् मंगलबारको सेयर बजारमा सबैभन्दा बढी गुमाउने कम्पनीहरुको सूचीः
