काठमाडौं । बुधबार पनि सेयर बजार घटेको छ । मंगलबारको तुलनामा नेप्से परिसूचक १३.९० अंकले घटेर २०९१.५६ बिन्दुमा पुगेको हो । नेपाल स्टक एक्सचेन्ज (नेप्से) का अनुसार बुधबार कुल २५६ कम्पनीको ४८ लाख १५ हजार १ सय २० कित्ता सेयर खरिद बिक्री हुँदा १ अर्ब ७३ करोडमाथिको सेयर कारोबार भएको हो । बुधबार सबैभन्दा बढी कारोबार अपि पावर कम्पनीको भएको छ । यस कम्पनीको ६ करोड २० लाख ९ हजार ३ सय ३ रुपैयाँ ८० पैसा बराबरको सेयर कारोबार भएको हो ।

यसैगरी बुधबारको सेयर बजारमा युनिलिभर नेपालका लगानीकर्ताहरुले मनग्य पैसा छापेका छन् । यस कम्पनीको सयेर मूल्य ८ प्रतिशत भन्दा धेरैले बढेको हो । यस अलावा बाराही हाइड्रोपावर, कर्पोरेट डेभलपमेन्ट बैंक, अरुण भ्याली हाइड्रोपावर, अरुण काबेली पावर र रुरु जलविद्युत परियोजनाका लगानीकर्ता पनि मालामाल भएका छन् । हेर्नुहोस् बुधबारको सेयर बजारमा सबैभन्दा बढी नाफा गर्ने कम्पनीहरुको सूचीः

यसैबीच बुधबारको सेयर बजारमा सबैभन्दा बढी कारोबार अपि पावर कम्पनीको भएको छ । यस कम्पनीको ६ करोड २० लाख ९ हजार ३ सय ३ रुपैयाँ ८० पैसा बराबरको सेयर कारोबार भएको हो । यस अलावा अरुण काबेली पावर, एनआइसी एशिया बैंक, हिमालयन डिष्ट्रिलरी, ङ्गादि ग्रुप पावर र अपर तामाकोशी हाइड्रोपावरको पनि अत्याधिक कारोबार भएको छ । हेर्नुहोस् बुधबारको सेयर बजारमा सर्वाधिक कारोबार हुने कम्पनीहरुको सूचीः

यस्तै बुधबारको सेयर बजारमा गरिमा डेबेञ्चर, २०८५ का लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो । गरिमा डेबेञ्चरको सेयरमा यस्तो गिरावट आउँदा विजय लघुवित्त, महुली लघुवित्त,पन्चकन्या माई हाइड्रोपावर र नेपाल इन्स्योरेन्समा पनि उच्च गिरावट देखिएको छ । हेर्नुहोस् बुधबारको सेयर बजारमा सबैभन्दा बढी गुमाउने कम्पनीहरुको सूचीः