काठमाडौं । बैंकिङ कसुर मुद्धाका फरार प्रतिवादी पक्राउ परेका छन् । जिल्ला धादिङ गंगा जमुना गाउँपालिका वडा नं. ६ घर भई हाल काठमाडौँको बुढानिलकण्ठ नगरपालिका वडा नं. ६ खड्क भद्रकाली बस्ने ५० वर्षीय पुरन बहादुर घले पक्राउ परेका हुन् ।
उच्च अदालत पाटन, ललितपुरको मिति २०७९/०९/२४ गतेको फैसला अनुसार ८ दिन कैद, ३६ लाख ८८ हजार जरिवाना र १ लाख ४७ हजार ५ सय २० रुपैयाँ क्षतिपुर्ति भराउने फैसला भएसँगै उनी फरार रहेका थिए । काठमाडौं उपत्यका अपराध अनुसन्धान कार्यालयबाट खटिएको प्रहरी टोलिले घलेलाई चैत १ गते बुढानिलकण्ठबाट पक्राउ गरेको हो ।
पक्राउ परेका घलेलाई फैसला कार्यान्वयनको लागि ललितपुर जिल्ला अदालत पठाईएको प्रहरीले जनाएको छ ।
