काठमाडौं । भाइरल हुने होडमा हवाई उडानकै बेला टिकटकमा रमाइलो गर्ने हिमालय एयरलाइन्सका तीन जना क्याबिन-क्रु कार्वाहीमा परेका छन् ।

बिहीबार काठमाडौं-दोहाको उडानमा रहेको एच९-५६३ उडान नम्बरको जहाजमा टिकटक भिडियो बनाउने तीन जना क्याबिन-क्रुलाई नेपाल नागरिक उड्डयन प्राधिकरणले कार्वाही गरको हो । प्राधिकरणका अनुसार जहाज पाकिस्तानको एयरस्पेसमाथि उडिरहेको बेलामा एक जना पुरुष र दुई महिला एयरहोस्टेसले टिकटक भिडियो बनाउँदै जहाजभित्रै रमाइलो गरिरहेको थिए ।

तीनै जनालाई ‘इन्फ्लाइट सेफ्टी’ विरुद्धको कसुरमा कार्वाही गरिएको प्राधिकरणले जनाएको छ । प्राधिकरणका अनुसार उनीहरुलाई ३ देखि ६ महिनासम्म उड्न नपाउने गरी कार्वाही गरिएको छ ।