काठमाडौं । आत्मनिर्भर लघुवित्तको आइपिओ बाँडफाँट भएको छ । लघुवित्तले सर्वसाधारण लगानीकर्ताका लागि जारी गरेको आइपीओ फागुन २८ गते आइतबार बाँडफाँट गरेको हो ।

लघुवित्तले फागुन ११ गतेदेखि १५ गतेसम्म कुल २ लाख ३ हजार ३ सय ८० कित्ता सर्वसाधारण सेयरमध्ये १० प्रतिशत अर्थात् २० हजार ३ सय ३८ कित्ता सेयर वैदेशिक रोजगारीमा रहेका नेपालीहरुको लागि निष्काशन गरेको थियो । उक्त आइपिओमा १६ हजार ९ सय ७५ जनाले सेयर हात परेका छन् । जसमध्ये १६ हजार ९ सय ७० जनाले १० कित्ताका दरले र ५ जनाले ११ कित्ताका दरले सेयर हात परेका छन् ।

सो आइपीओका लागि कुल १५ लाख ३८ हजार ४६६ जना आवेदकले आवेदन दिएकामा २ हजार २०३ जनाको आवेदन रद्द भएको बिक्री प्रबन्धक सनराइज क्यापिटलले जनाएको छ । लगानीकर्ताले बिक्री प्रबन्धकको वेबसाइट र मेरोसेयर एकाउन्टबाट आइपीओको नतिजा हेर्न सक्नेछन् ।

साथै, आत्मनिर्भर लघुवित्तको वेबसाइट तथा सीडीएस एन्ड क्लियरिङले आइपीओ रिजल्ट हेर्न बनाएको वेबसाइट https://iporesult.cdsc.com.np/ बाट पनि रिजल्ट हेर्न सकिनेछ ।