काठमाडौं । न्यादी हाइड्रोपावर लिमिटेडको चैत ६ गते साधारणसभा हुने भएको छ । हाइड्रोपावरको साधारणसभा कार्की ब्यांकेट बबरमहल, काठमाडौंमा बिहान ११ बजे सुरु हुने भएको छ ।

कम्पनीले लाभांश सम्बन्धी कुनै प्रस्ताव गरेको छैन । सभामा गत आर्थिक वर्षको वार्षिक प्रतिवेदन, नाफा नोक्सान, नगद प्रवाह विवरण लगायतमा छलफल हुनेछ । साथै, आर्थिक वर्ष २०७९/८० का लागि लेखापरीक्षक नियुक्ति गरी निजको पारिश्रमिक निर्धारण गर्ने एजेण्डा रहेको छ ।

सर्वसाधारण सेयरधनीहरुको तर्फबाट प्रतिनिधित्व गर्ने एक जना महिला सञ्चालकसहित दुई जना सञ्चालकहरुको निर्वाचन गर्ने प्रस्ताव पनि रहेको छ । सभा प्रयोजनका लागि कम्पनीले फागुन १९ गते बुक क्लोज गरिसकेको छ । फागुन १८ गतेसम्म सेयर खरिद गरी कायम रहेका सेयरधनीले मात्र सभामा भाग लिन सक्नेछन् ।