काठमाडौं । सरकारले बैशाख १८ गते (सोमबार) सार्वजनिक बिदा दिने निर्णय गरेको छ । अन्तर्राष्ट्रिय मजदुर दिवसका अवसरमा सरकारले सोमबार सार्वजनिक बिदा दिने निर्णय गरेको हो ।

सोमबार सरकारले देशभर सार्वजनिक बिदा दिने निर्णय गरेसँगै भोली देशभरका सरकारी कार्यालय, बैंक तथा वित्तीय संस्था र सेयर बजार बन्द हुने भएका छन् ।

सन् १८८९ मा फ्रान्सको राजधानी पेरिसमा सम्पन्न विश्वका श्रम संगठन एवम् श्रमिक नेताहरुको बैठकले विश्व श्रमिक दिवस विश्वभर मनाउने निर्णय गरेको थियो । त्यसपछि सन् १८९० देखि हरेक वर्ष मे १ मा संसारभर मजदुर दिवस मनाउने गरिन्छ ।

नेपालमा विराटनगरमा २००७ सालमा मजदुर आन्दोलनसँगै यो दिवस मनाउन थालिएको थियो । तर २०६४ सालदेखि अन्तर्राष्ट्रिय मजदुर दिवसको दिन सरकारले आधिकारिक रुपमा सार्वजनिक विदा दिन थालेको थियो ।