काठमाडौं । मओवादी केन्द्रका सांसद देबेन्द्र पौडेलले अर्थतन्त्र निकै नाजुक अवस्थामा रहेको भन्दै सरकारलाई श्वेतपत्र जारी गर्न माग गरेका छन् । प्रतिनिधि सभाको चैत १९ गते आइतबार बसेको बैठकमा बोल्दै उनले श्वेतपत्र जारी गर्न माग गरेका हुन् ।

आर्थिक प्रणालीमा सुधार गर्ने गरी तत्काल श्वेत पत्र जारी गरिनु पर्ने पौडेलको माग रहेको छ । ‘सरकारी ढुकुटी घाटामा छ । सहकारीका बचतकर्ता भागाभाग छन् ।’ पौडेलले भने ‘ब्याजदर सिंगल डीजीटमा ल्याउने कुरा के भयो ?’

उनले देशको अर्थतन्त्र सुधारिँदैछ भन्ने दिलाउने गरि सरकारले योजना ल्याउनुपर्ने बताएका छन् ।