काठमाडौँ । नेपाल धितोपत्र बोर्डले आगामी आर्थिक वर्षको नीति तथा कार्यक्रमका लागि सरोकारवालाहरुसँग सुझाव मागेको छ । बोर्डले आइतबार सूचना प्रकाशित गर्दै धितोपत्र बजार तथा वस्तु विनिमय बजार सम्बन्धी आगामी आर्थिक वर्ष २०८०–८१ को नीति तथा कार्यक्रमका लागि राय तथा सल्लाह–सुझाव माग गरेको हो ।

बोर्डले हरेक वर्ष नीति तथा कार्यक्रम तयार गर्दा सरोकारवाला पक्षहरुसँग राय तथा सल्लाह–सुझाव लिँदै आएको छ । धितोपत्र बोर्डले सूचना जारी गरी आर्थिक वर्ष २०८०–८१ को नीति तथा कार्यक्रम तयार गर्ने कार्य भइरहेको जानकारी पनि गराएको छ ।

सबै सरोकारवालाहरुलाई बजारको विकास तथा सुधारका लागि राय सुझाव २०८० वैशाख मसान्तसम्ममा इमेलमार्फत उपलब्ध गराउन बोर्डले आग्रह गरेको छ ।