काठमाडौं । डिआरएन इन्टरनेशनल प्रा.लिले विजनेस कम्प्लेक्स ‘डिआरएन टावर’ निर्माण गरेको छ । कम्पनीले काठमाडौँ व्यापारिक केन्द्र न्यूरोडस्थित खिचापोखरीमा उक्त ‘डिआरएन टावर’ निर्माण गरेको हो । उक्त ‘डिआरएन टावर’ बैशाख १ गते नव वर्षको अवसरमा उद्घाटन हुने भएको छ ।
डिआरएन टावरमा १२३ स्क्वायर फिटदेखि ११ सय स्क्वायर फिटसम्मका अफिस तथा व्यवसायिक पसलहरु निर्माण गर्न सकिनेछ । विभिन्न देशका व्यापारिक कम्प्लेक्सहरुको अध्ययन र अनुसन्धानको आधारमा सो टावर निर्माण गरिएको हो ।
भुकम्प प्रतिरोधी प्रविधिप्रयोग गरी निर्माण गरिएको यस टावरमा अत्याधुनिक डिजिटल लाईटिङ सिस्टम जडान गर्नुका साथै २४सै घण्टा सुरक्षाको व्यवस्था पनि गरिएको छ । साथै सीसीटिभी क्यामेराहरुको जडान, इन्टरनेटको सुविधा, फायर फाईटिङ सिस्टम जडान, लिफ्ट जडान, पावर ब्याकअपको सुविधा, एसी तथा एअर फ्रेसरहरु जडान गरिएको छ ।
नेपालकै पहिलो व्यापारिक वाकिङ स्ट्रिटका रुपमा चिनिएको न्यूरोड खिचापोखरीमा निर्माण भएको यस टावरमा ८ तला रहेको छ । यो टावर विभिन्न व्यापारिक तथा प्रशासनिक कार्यालय, कर्पोरेट अफिस, ब्राण्डेड सोरुमहरु, बैंक तथा वित्तीय संस्थाहरु (फाइनान्स, सहकारी समेत) का लागि अति उपयोगी रहेको दाबी गरिएको छ ।
उक्त टावरबाट काठमाडौंको सुन्दर दृश्य पनि अवलोकन गर्न सकिनेछ । यस्तै लक्जिरियस फुड कोर्ट, रेस्टुरेन्ट तथा क्याफेहरुको पनि व्यवस्था छ । सो कम्प्लेक्स भाडा तथा खरिद गरेर प्रयोग गर्न सकिनेछ । साथै सोही क्षेत्रमा व्यापार व्यवसाय संचालन गर्दै आएका तथा व्यापार विस्तार गर्न चाहने सबै उद्यमी व्यवसायीहरुका लागि अफरको व्यवस्था पनि रहेको छ ।
यस्तै ठमेलमा पनि व्यापारिक कम्प्लेक्स संचालनमा ल्याउने तयारी भइरहेको कम्पनीका अध्यक्ष दुर्गाबहादुर श्रेष्ठले जानकारी दिएका छन् । महाबौद्धमा पनि डिआरएन टावर संचालनमा छ । यस्तै कम्पनीकोे डिआरएन ब्राण्डका टेलिभिजन, टेलिफोन, साउन्ड सिस्टम लगाएतका विभिन्न इलेक्ट्रोनिक्स सामानहरु बजारमा उपलब्ध छ ।
