काठमाडौं । माछापुच्छ्रे बैंक लिमिटेडले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकको यस त्रैमासको खुद नाफा घटेर १ अर्ब ३५ करोड रुपैयाँ पुगेको छ ।
जुन खुद नाफा गत वर्षको यसैअवधिको तुलनामा १२.८८ प्रतिशतले कम हो । गत वर्षको यसैअवधिमा भने बैंकले १ अर्ब ५५ करोड रुपैयाँ खुद नाफा आर्जन गरेको थियो ।
यस्तै, खुद ब्याज आम्दानी भने बढेर ४ अर्ब १३ करोड रुपैयाँ पुगेको छ । जुन खुद ब्याज आम्दानी गत वर्षको तुलनामा १४.७८ प्रतिशतले बढी हो । गत वर्ष बैंकले ३ अर्ब ६० करोड रुपैयाँ खुद ब्याज आम्दानी आर्जन गरेको थियो ।
बैंकको सञ्चालन नाफा १२.५१ प्रतिशतले घटेर १ अर्ब ९४ करोड रुपैयाँ कायम भएको छ । यस्तै बैंकको प्रतिसेयर आम्दानी २० रुपैयाँ १७ पैसाबाट २ रुपैयाँ ६ पैसाले घटेर १२ रुपैयाँ ५७ पैसामा झरेको छ भने प्रतिसेयर नेटवर्थ १५४ रुपेयाँ ५० पैसा रहेको छ ।
