">
काठमाडौं । प्रहरीले सिंहदरबार बाहिरबाट मिटरब्याज पीडितलाई पक्राउ गरेको छ । शुक्रबार प्रदर्शनको तयारी गरेका उनीहरुलाई प्रहरीले सिंहदरबार बाहिरबाटै पक्राउ गरेको हो ।
सरकारले मिटरब्याज पीडितसँग गत शनिबार पाँच बुँदे सहमति गरे पनि उक्त सहमतिले मात्रै आफूहरुको माग पूरा नहुने भन्दै मिटरब्याज पीडितको अर्को समूह आन्दोलनमा उत्रिएको हो । सोही क्रममा सिंहदरबार बाहिर प्रदर्शनको तयारी गरेका उनीहरुलाई प्रहरीले नियन्त्रणमा लिएको हो ।
उनीहरुले मिटरब्याजीले बनाएको फर्जी तमसुक खारेज गर्नुपर्ने, मिटरब्याज पीडितविरुद्ध लगाइएको झुठा मुद्धा खारेज गर्नुपर्ने लगायतका माग राखेका छन् ।
