काठमाडौं । एसबी सोलुसन्सले नबिल बैंकमा क्रेडिट एडमिनिस्ट्रेसन मोड्युल (क्याड मोड्युल) सफलतापूर्वक कार्यान्वयन गरेको छ । नबिल बैंकले स्वीकृति पत्र र कानुनी कागजातहरु क्याड मोड्युलबाट तयार गर्दै गरेको एक बर्ष पुरा भएसँगै एसबी सोलुसन्स्ले आफ्नो डिजिटल लेन्डिङ्गको यात्रामा एउटा कोसेढुङ्गा पार गरेको हो ।
नबिल बैंकमा यो सफ्टवेयर प्रणाली कार्यान्वयन भएसगैँ करिब एक वर्षभन्दा बढि समय देखि यसको नियमित रुपमा उपयोग भईरहेको छ । यसले बैंकको स्वीकृति पत्रसँगै, क्रण तमसुक, प्रतिज्ञा पत्र, जमानतको लिखत आदि लगायत सम्पुर्ण कानुनी कागजातहरू छिटो र सजिलै तयार गदै आएको छ ।
एसबी सोलुसन्स्का सीईओ संजोग मिश्रले क्याड मोड्युल मार्फत नबिल बैंकमा सोलुसन सफलतापूर्वक कार्यान्वयन गर्न पाउँदा आफूहरु उत्साहित भएको बताएका छन् ।
के हो क्याड मोड्युल ?
क्याड मोड्युल ऋण व्यवस्थापन प्रणाली, क्रेडिट एक्सको एउटा महत्वपूर्ण मोड्युल हो । यसले बैंकको स्वीकृति पत्रसँगै, ऋण तमसुक, प्रतिज्ञा पत्र, जमानतको लिखत आदि लगायत सम्पुर्ण कानुनी कागजातहरू छिटो र सजिलै तयार गदै आएको छ ।
क्याड मोड्युलले स्वीकृति पत्रका जटिल अवस्था र निर्भरतालाई ह्यान्डल गर्न सक्ने गरी डिजाइन गरिएको छ, जसले संयुक्त स्वीकृति पत्र पनि सजिलै तयार गर्न सक्छ ।
यो प्रणालीले बैंक तथा वित्तीय संस्थाका प्रयोगकर्ताहरूलाई धेरै सहज बनाउँछ जहाँ प्रयोगकर्ताहरूले केवल एउटा फारम भर्नु पर्छ र त्यसपछि ग्राहकअनुसार स्वीकृति पत्र सहित आवश्यक सम्पुर्ण कानुनी कागजातहरू सिस्टमले आफै तयार पारिदिन्छ । साथै, यस प्रणालीले एपीआई कन्जुम गरी अन्य सिस्टमको डाटाहरू लिएर अंग्रेजी इनपुटलाई पनि नेपाली भाषामा अनुवाद गर्न सक्छ यसले प्रयोगकर्ताहरुलाई अझ सहज पारिदिन्छ ।
